Friday, October 06, 2006
自由市場名存實亡
理財投資
P09 信報財經新聞
曹仁超
2006-10-04
投資者日記
自由市場名存實亡
10月3日，周二。恒生指數升63.48，收17606.53；成交三百九十九億六千一百多萬元。10月期指高水，升85點，收17644點。建行（939）升3％，收三元四角七仙，係3月3日以來最大升幅；利豐（494）升2.3%，見十九元八角，股東大會同意買下德國最大百貨公司 Karstadt Quelle採購子公司，總代價五億九千四百萬元，降低對美國市場依賴。儀征化纖（1033）跌7.3%，見一元五角二仙；上海石化（338）跌 7.7%，收三元五角八仙；裕元（551）跌1%，見二十三元九角五仙；鷹君（041）跌1.2%，見二十八元零五仙；藍頓國際（245）升3.1%，見一角九點七仙，公司計劃發行八億多股新股，每股一角八點八仙，以收購內地購物商場。富豪酒店（078）升1.54％，見六角六仙，公司計劃發行 REITs，集資四十億元。
本港8月份零售業升8.3%，達一百七十九億元（7月份升7.1％），表現不俗。
工業股開始向上
1983年香港政府決定1美元兌7.8港元，去年金管局修訂為7.75港元，以便金管局進行有限度干預。1994年1月中國政府決定1美元兌8.28人民幣，以後許升不許跌；去年7月修正，今年已升穿八元，估計年底前見1人民幣兌1港元。以上述幅度計，未來人民幣升幅有限。
第三季已結束，第四季已開始。第三季最大改變係油價喺7月14日自七十八點五美元一桶回落，其次係8月份美國樓價出現十一年內首次回落；前者利好因素被後者利淡因素部分抵銷，不過仍將道指及恒指推至全年最高指數才結束第三季。由於5月份聯儲局將利率推高至五厘，令揸金吸引力大減，金價開始回落。開礦需要大量燃油，油價上升最終令礦產價上漲；反之，當礦產價下跌，遲早又令油價回落。兩者關係係油價上升遲早扯高礦產價，礦產價回落最終又令油價回落。我地不妨留意金礦股指數（Amex Gold Bugs Index）與金價嘅關係：由2001至04年上半年呢三年半時間，金礦股升幅大於金價；2004年上半年至06年上半年金價升幅又大於金礦股，可見炒金礦股者較炒金者聰明。利用兩者嘅微妙關係，有助分析金價方向。
第三季表現出色嘅行業有電訊業、機械製造業及保險業；表現最差有零售業、傳媒業及軟件業。第四季又點？我老曹較為睇好係內地金融股，工業股亦開始向上，其次係航空股，上述都係原材料及能源價格下跌嘅受惠行業。例如立信工業（641）估計今年及明年純利將因鋼價回落而上升。內地航空股最惡劣日子已成過去，人民幣升值、奧運概念、油價回落因素，皆對內地航空股未來純利有利，唔排除內地航空股喺今年第三季（或第四季）轉勢，明年第一季純利急升。換言之，未來三到六個月內地航空股仍可睇好，可作中線吸納。
美國經濟進入放緩期，香港經濟屬海島型，無可避免受影響。雖然近十年中國因素對香港經濟影響力漸大，但中國亦係美國嘅工作坊（workshop），直接或間接亦受美國經濟進入放緩期所影響。亞太區在1998年擺脫亞洲金融風暴影響，亦嚟自美國經濟繼續繁榮。2003年4月港股能擺脫沙士疫症嘅壓力，理由係港元追隨美元減息，以及2002年10月起美股上升。2000年香港TMT股回落，亦由美國科網股泡沫爆破引發。香港經濟同美國經濟有千絲萬縷關係，講三日三夜亦講唔完。香港經濟活動74.5％同貿易有關（反之，香港只有5％GDP同旅遊有關）；其次係資金流入及流出，例如美國減息基於聯滙制度，資金必然流入香港。中國經濟目前過熱，美國經濟進入放緩期，對中國係利好多於利淡，例如原材料價回落。換言之，假如閣下相信明年美國經濟進入放緩期，投資策略上宜傾向睇好內地企業多於本港企業股。
第四季經濟前景展望：一、聯儲局已完成加息周期，至於減息周期目前仍言之過早。二、美國通脹率（CPI）已由7月份4.2％回落到8月份嘅3.8％，但核心通脹率反由7月份2.7％上升到8月份2.8％，距離目標通脹率嘅1-2％仍遠，即聯儲局仍未到放寬銀根期。三、美國就業情況仍十分良好。四、油價7月14日起進入回落期，有助未來通脹率進一步回落。五、美國7月份外貿赤字進一步擴大，入口較6月份升1％、出口較6月減1.1％。
油價大方向改變
能夠準確預測2000年3月科網股泡沫爆破，係幸運多於一切！大量冇純利只有概念嘅科網股股價炒到半天高，絕對係荒謬，上述荒謬喺1999年已存在，經驗告訴我地，上述情況係不能長存，但幾時爆破則木宰羊！情況有如2001年嘅黃金一樣，金價响咁偏低水平，遲早上升一倍或以上，但幾時起步則木宰羊。不過，聯儲局開始減息，遲早令金價由低於三百美元升上六百美元以上。當時金價已回落二十年（1980至99年），叫人相信金價可上升一倍有D困難。今年油價升至七十八美元一桶以上，情況亦一樣。盛衰循環周而復始，人人皆知，但邊一天盛極而衰、哪一天是否極泰來？便只有事後才知道。
1973年9月阿拉伯產油國聯合起來，同意同時減產5％，佢地發現可令油價上升，同年10月宣布再減產5％，並向美國及荷蘭呢D同以色列友好嘅國家禁運，令油價急升四倍—，此乃著名嘅石油危機。1980年伊朗皇朝被推翻，新政府將石油產量由每天五百萬桶降至每天一百萬桶，令油價升上四十美元，係第二次石油危機。美國為對付高油價，將美元利率推高至二十厘，引發全球經濟大衰退。市場對石油需求減少；加上北海油田投產，油價大幅滑落。沙地阿拉伯為阻止油價回落，產量由1980年一千萬桶減至1985年4月二百二十萬桶。最後當沙地亦放棄減產，油價由1985年11月三十二美元一桶，跌至1986年年中嘅十美元。另一次石油危機係伊拉克入侵科威特，令科威特石油無法出口，其後以美國為首嘅聯軍將伊拉克軍隊趕走，恢復油產而結束。2003年美軍入侵伊拉克，油價急跌37％，當年市場相信為重建伊拉克，伊拉克石油將大量湧入市場。但事與願違，伊拉克局勢無法平靜，令油公司唔願投資伊拉克，油價漸升；再加上去年兩場風災帶來破壞，將油價進一步推高。伊朗核問題、以色列入侵黎巴嫩、英國石油公司喺阿拉斯加漏油，加上市場擔心今年風災，再將油價推高至七十八點五美元。事後伊朗核問題並冇惡化，以色列開始從黎巴嫩撤軍，英國石油公司油管完成維修；加上雪佛龍宣布响墨西哥灣深海發現巨大石油蘊藏量，五年後投產，令油價回落到六十美元嘅超賣區；此後OPEC宣布自動減產；加上油價短期嚴重超賣而反彈。分析員估計，由於供求關係改變，估計未來油價可跌至五十美元一桶。依家大部分分析員仍未相信油價大方向已改變，雖然大摩羅奇上周大膽預測商品上升周期已完成，但高盛證券卻唔同意，高盛嘅James Gutman認為快見底才真，宜趁低吸納。最後誰對誰錯？有待觀察。作為普通投資者，今時今日只能謙卑與謹慎，到底油價完成反彈後，跌落五十美元抑或進入另一上升周期【圖】？金價喺六百美元爭持後，向上還是向下？依家說也說不清。
根據彭博通訊社統計，全球二千五百位分析員及三百五十間證券公司過去兩年推介，成績最好係美林證券，過去兩年喺二百間公司中，所作出嘅六十八次推介十分成功；排名第二係瑞士聯合（UBS），作出五十八次成功推介；第三係瑞士信貸，共五十二次；第四係大摩，共四十八次；第五係德銀共四十六次。上述五大證券行過去兩年推介成績十分出色！雖然如此，目前大行一流分析員年薪卻降至六十萬美元（2000年係一百萬美元），而工作卻較2000年辛苦好多。例如排名第十嘅花旗銀行目前只有三百位分析員，卻要睇二千九百間公司（2000年不但人數多D，而且要睇嘅公司只有二千三百間）。目前證券公司大客主要係對沖基金，良好分析可吸引對沖基金生意。排名第九嘅滙豐銀行認為，分析報告有助吸引生意。今天成為出色分析員亦唔易，因為市場競爭十分激烈，許多大行改由爭取到幾多生意去決定分析員年底可分到幾多花紅。呢D分析報告如非大客唔易獲得。換言之，散戶响股票市場贏面有幾大？大家心中有數。
價格對供求影響欠伸縮性
有關積極不干預之爭，我地必須承認世界上冇完美嘅制度，任何制度都存在缺點，問題只係多或少。投資者發現自從1971年美元採用浮動滙率制度後，價格對供求嘅影響已缺乏伸縮性（inelasticity）。1971年前產品一旦加價，需求便減少；一旦減價，需求便上升。但1971年後，必須大幅加價才令需求下降、供應上升；必須大幅減價才令需求上升、供應下降。例如呢次油價由1999年11月每桶十美元升至今年7月14日七十八點五美元，才見供求開始出現改變，主因係消費者對價格嘅敏感度隨着手上財富增加而下降。上述改變令boom & bust周期愈來愈長及幅度愈來愈大！隨着價格對供求影響力日漸下降，自由經濟制度嘅缺點亦愈來愈多，許多時必須政府介入，以免走向極端，政府嘅干預漸漸成為一項需要，以補自由市場嘅不足。絕對自由市場只存於在書本裏，响現實世界並唔存在。至於幾時作出干預？干預程度如何？干預手法又如何？便必須深思熟慮，以免過猶不及。
1971年美元唔再同黃金掛鈎後，形成聯儲局隨時可增加貨幣供應，令整個自由市場出現扭曲。例如2001至03年6月喺聯儲局大量供應貨幣下，甚至可將回落中嘅GDP扭轉方向，阻止美國經濟進入「通縮流動資金陷阱」（deflation liquidity trap），並出現2003年起至今嘅經濟繁榮。上述治療法包括向金融制度大量注入資金、大量購入期貨去刺激價格上升，以及一再將利率壓低等去阻止美國經濟受科網股泡沫爆破後遺症嘅影響而步日本經濟後塵！整個計劃由高盛證券前主席魯賓出任美國財長所策劃，並成功阻止美國經濟喺2000年代步入日本1990 年式衰退。
反觀日本第二次世界大戰後努力重建生產力，而成為出口導向型經濟，出口所賺取利潤令日本人生活不斷改善。日本唔係一個接受移民嘅國家，當大部分日本人生活水平達到中產階級後，消費便停止增長。雖然出口業務繼續為日本帶來可觀收入，但日本人只用作海外投資，而非進一步增加消費，結果1990年起日本經濟便陷入通縮流動資金陷阱（即樓價下跌、股價下跌，產生信貸收縮壓力，影響經濟表現）。雖然政府一再增加開支去對抗，情況亦只能時好時壞。
由於估計明年3月31日前日本銀行都唔敢宣布第二次加息，令近期日圓滙價積弱。日本銀行將喺10月13日及10月31日開會，估計利率不變！咁意味住2001年起日本亦步美國後塵，利用貨幣改策大力干預市場。
我地必須承認，由政府獲得濫發貨幣權開始（1971年），自由市場根本上已名存實亡。2001年美國聯儲局如不及時干預，美國經濟早已陷入類似1990 年代嘅日本衰退模式，人人受害。中國政府為咗發展和諧社會，自然必須保障工人就業，結果人民幣只能有限度升值。為加快中國經濟由出口導向轉為內部消費導向，政府正大幅提升工人最低工資。反觀特區政府不但干預能力有限，干預程度亦好有限。
經過三十多年貨幣濫發後，世界已經冇真正嘅自由市場，因為價格對供求嘅影響早已缺乏伸縮性。為阻止通縮流動資金陷阱出現，干預反而成為一項需要。例如 1998年格蛇增加貨幣供應去阻止長期資本管理倒閉引發骨牌效應；2001至03年6月亦減息去對付2000年科網股泡沫爆破。今天商品價格大上大落，而炒期貨孖展又少於10％（即升降10％已可令孖展本金消失）；加上2001年美國政府刺激資產升值去對抗科網股泡沫爆破，面對今年8月美國樓價首次回落，未來唔干預才怪！
美政府或是油價回落幕後黑手
有人懷疑7月14日油價回落美國政府其實係幕後黑手，絕對唔奇怪，因為美國政府正準備另一次經濟軟着陸，令CPI增長率重返2％或以下。
點解歐羅區經濟好唔起來？主要係德、法等國家响九十年代為解決失業問題，將每周工作五十小時改為每周工作三十五小時，理論上工作時間短咗，公司自然聘請更多員工工作，結果卻相反。外資公司計算過後，決定唔投資德國同法國，而德國同法國公司亦跑咗去外國投資，德國同法國精英亦離開本土，跑去倫敦或美國甚至香港搵嘢做。
德國同法國勞工法例不但每周工作三十五小時、一年六星期大假、三年有薪病假（若員工有病，公司要照顧三年，繼續出糧畀員工），並有「就業警察」確保晚上六時後冇人工作（除獲政府特別批准嘅行業外）；至於裁員接近唔可能，因此公司唔敢招聘新人，只有請臨時工。去年我老曹去過法國幾天，認真領教過法國大餐嘅滋味，例如麵包係凍嘅，湯非常濃，相信一早已經煲好，侍應服務態度奇差。初時我老曹以為自己係中國人嘅關係，但見隔鄰D美國人所獲服務態度一樣，相信同種族無關。理由應該係員工唔怕炒魷魚，情況自然如此！
今年德國新總理上台後，上述情況未知能否改變，但相信阻力好大。上述情況或者係德國物業仍然咁便宜嘅理由。
歐美集團（8203）、卓健亞洲（593）、中民燃氣（681）、聯合集團（373）、聯合地產（056）、漢國置業（160）、建業實業（216）、天鷹電腦（1129）、新鴻基公司（086）、旭日環球（353）、玖源集團（8042）停牌。
瑞安房地產（272）、利記（637）新上市。
■毅興行（1047）10月16日公布業績。 ¶ 2:02 AM
P09 信報財經新聞
曹仁超
2006-10-04
投資者日記
自由市場名存實亡
10月3日，周二。恒生指數升63.48，收17606.53；成交三百九十九億六千一百多萬元。10月期指高水，升85點，收17644點。建行（939）升3％，收三元四角七仙，係3月3日以來最大升幅；利豐（494）升2.3%，見十九元八角，股東大會同意買下德國最大百貨公司 Karstadt Quelle採購子公司，總代價五億九千四百萬元，降低對美國市場依賴。儀征化纖（1033）跌7.3%，見一元五角二仙；上海石化（338）跌 7.7%，收三元五角八仙；裕元（551）跌1%，見二十三元九角五仙；鷹君（041）跌1.2%，見二十八元零五仙；藍頓國際（245）升3.1%，見一角九點七仙，公司計劃發行八億多股新股，每股一角八點八仙，以收購內地購物商場。富豪酒店（078）升1.54％，見六角六仙，公司計劃發行 REITs，集資四十億元。
本港8月份零售業升8.3%，達一百七十九億元（7月份升7.1％），表現不俗。
工業股開始向上
1983年香港政府決定1美元兌7.8港元，去年金管局修訂為7.75港元，以便金管局進行有限度干預。1994年1月中國政府決定1美元兌8.28人民幣，以後許升不許跌；去年7月修正，今年已升穿八元，估計年底前見1人民幣兌1港元。以上述幅度計，未來人民幣升幅有限。
第三季已結束，第四季已開始。第三季最大改變係油價喺7月14日自七十八點五美元一桶回落，其次係8月份美國樓價出現十一年內首次回落；前者利好因素被後者利淡因素部分抵銷，不過仍將道指及恒指推至全年最高指數才結束第三季。由於5月份聯儲局將利率推高至五厘，令揸金吸引力大減，金價開始回落。開礦需要大量燃油，油價上升最終令礦產價上漲；反之，當礦產價下跌，遲早又令油價回落。兩者關係係油價上升遲早扯高礦產價，礦產價回落最終又令油價回落。我地不妨留意金礦股指數（Amex Gold Bugs Index）與金價嘅關係：由2001至04年上半年呢三年半時間，金礦股升幅大於金價；2004年上半年至06年上半年金價升幅又大於金礦股，可見炒金礦股者較炒金者聰明。利用兩者嘅微妙關係，有助分析金價方向。
第三季表現出色嘅行業有電訊業、機械製造業及保險業；表現最差有零售業、傳媒業及軟件業。第四季又點？我老曹較為睇好係內地金融股，工業股亦開始向上，其次係航空股，上述都係原材料及能源價格下跌嘅受惠行業。例如立信工業（641）估計今年及明年純利將因鋼價回落而上升。內地航空股最惡劣日子已成過去，人民幣升值、奧運概念、油價回落因素，皆對內地航空股未來純利有利，唔排除內地航空股喺今年第三季（或第四季）轉勢，明年第一季純利急升。換言之，未來三到六個月內地航空股仍可睇好，可作中線吸納。
美國經濟進入放緩期，香港經濟屬海島型，無可避免受影響。雖然近十年中國因素對香港經濟影響力漸大，但中國亦係美國嘅工作坊（workshop），直接或間接亦受美國經濟進入放緩期所影響。亞太區在1998年擺脫亞洲金融風暴影響，亦嚟自美國經濟繼續繁榮。2003年4月港股能擺脫沙士疫症嘅壓力，理由係港元追隨美元減息，以及2002年10月起美股上升。2000年香港TMT股回落，亦由美國科網股泡沫爆破引發。香港經濟同美國經濟有千絲萬縷關係，講三日三夜亦講唔完。香港經濟活動74.5％同貿易有關（反之，香港只有5％GDP同旅遊有關）；其次係資金流入及流出，例如美國減息基於聯滙制度，資金必然流入香港。中國經濟目前過熱，美國經濟進入放緩期，對中國係利好多於利淡，例如原材料價回落。換言之，假如閣下相信明年美國經濟進入放緩期，投資策略上宜傾向睇好內地企業多於本港企業股。
第四季經濟前景展望：一、聯儲局已完成加息周期，至於減息周期目前仍言之過早。二、美國通脹率（CPI）已由7月份4.2％回落到8月份嘅3.8％，但核心通脹率反由7月份2.7％上升到8月份2.8％，距離目標通脹率嘅1-2％仍遠，即聯儲局仍未到放寬銀根期。三、美國就業情況仍十分良好。四、油價7月14日起進入回落期，有助未來通脹率進一步回落。五、美國7月份外貿赤字進一步擴大，入口較6月份升1％、出口較6月減1.1％。
油價大方向改變
能夠準確預測2000年3月科網股泡沫爆破，係幸運多於一切！大量冇純利只有概念嘅科網股股價炒到半天高，絕對係荒謬，上述荒謬喺1999年已存在，經驗告訴我地，上述情況係不能長存，但幾時爆破則木宰羊！情況有如2001年嘅黃金一樣，金價响咁偏低水平，遲早上升一倍或以上，但幾時起步則木宰羊。不過，聯儲局開始減息，遲早令金價由低於三百美元升上六百美元以上。當時金價已回落二十年（1980至99年），叫人相信金價可上升一倍有D困難。今年油價升至七十八美元一桶以上，情況亦一樣。盛衰循環周而復始，人人皆知，但邊一天盛極而衰、哪一天是否極泰來？便只有事後才知道。
1973年9月阿拉伯產油國聯合起來，同意同時減產5％，佢地發現可令油價上升，同年10月宣布再減產5％，並向美國及荷蘭呢D同以色列友好嘅國家禁運，令油價急升四倍—，此乃著名嘅石油危機。1980年伊朗皇朝被推翻，新政府將石油產量由每天五百萬桶降至每天一百萬桶，令油價升上四十美元，係第二次石油危機。美國為對付高油價，將美元利率推高至二十厘，引發全球經濟大衰退。市場對石油需求減少；加上北海油田投產，油價大幅滑落。沙地阿拉伯為阻止油價回落，產量由1980年一千萬桶減至1985年4月二百二十萬桶。最後當沙地亦放棄減產，油價由1985年11月三十二美元一桶，跌至1986年年中嘅十美元。另一次石油危機係伊拉克入侵科威特，令科威特石油無法出口，其後以美國為首嘅聯軍將伊拉克軍隊趕走，恢復油產而結束。2003年美軍入侵伊拉克，油價急跌37％，當年市場相信為重建伊拉克，伊拉克石油將大量湧入市場。但事與願違，伊拉克局勢無法平靜，令油公司唔願投資伊拉克，油價漸升；再加上去年兩場風災帶來破壞，將油價進一步推高。伊朗核問題、以色列入侵黎巴嫩、英國石油公司喺阿拉斯加漏油，加上市場擔心今年風災，再將油價推高至七十八點五美元。事後伊朗核問題並冇惡化，以色列開始從黎巴嫩撤軍，英國石油公司油管完成維修；加上雪佛龍宣布响墨西哥灣深海發現巨大石油蘊藏量，五年後投產，令油價回落到六十美元嘅超賣區；此後OPEC宣布自動減產；加上油價短期嚴重超賣而反彈。分析員估計，由於供求關係改變，估計未來油價可跌至五十美元一桶。依家大部分分析員仍未相信油價大方向已改變，雖然大摩羅奇上周大膽預測商品上升周期已完成，但高盛證券卻唔同意，高盛嘅James Gutman認為快見底才真，宜趁低吸納。最後誰對誰錯？有待觀察。作為普通投資者，今時今日只能謙卑與謹慎，到底油價完成反彈後，跌落五十美元抑或進入另一上升周期【圖】？金價喺六百美元爭持後，向上還是向下？依家說也說不清。
根據彭博通訊社統計，全球二千五百位分析員及三百五十間證券公司過去兩年推介，成績最好係美林證券，過去兩年喺二百間公司中，所作出嘅六十八次推介十分成功；排名第二係瑞士聯合（UBS），作出五十八次成功推介；第三係瑞士信貸，共五十二次；第四係大摩，共四十八次；第五係德銀共四十六次。上述五大證券行過去兩年推介成績十分出色！雖然如此，目前大行一流分析員年薪卻降至六十萬美元（2000年係一百萬美元），而工作卻較2000年辛苦好多。例如排名第十嘅花旗銀行目前只有三百位分析員，卻要睇二千九百間公司（2000年不但人數多D，而且要睇嘅公司只有二千三百間）。目前證券公司大客主要係對沖基金，良好分析可吸引對沖基金生意。排名第九嘅滙豐銀行認為，分析報告有助吸引生意。今天成為出色分析員亦唔易，因為市場競爭十分激烈，許多大行改由爭取到幾多生意去決定分析員年底可分到幾多花紅。呢D分析報告如非大客唔易獲得。換言之，散戶响股票市場贏面有幾大？大家心中有數。
價格對供求影響欠伸縮性
有關積極不干預之爭，我地必須承認世界上冇完美嘅制度，任何制度都存在缺點，問題只係多或少。投資者發現自從1971年美元採用浮動滙率制度後，價格對供求嘅影響已缺乏伸縮性（inelasticity）。1971年前產品一旦加價，需求便減少；一旦減價，需求便上升。但1971年後，必須大幅加價才令需求下降、供應上升；必須大幅減價才令需求上升、供應下降。例如呢次油價由1999年11月每桶十美元升至今年7月14日七十八點五美元，才見供求開始出現改變，主因係消費者對價格嘅敏感度隨着手上財富增加而下降。上述改變令boom & bust周期愈來愈長及幅度愈來愈大！隨着價格對供求影響力日漸下降，自由經濟制度嘅缺點亦愈來愈多，許多時必須政府介入，以免走向極端，政府嘅干預漸漸成為一項需要，以補自由市場嘅不足。絕對自由市場只存於在書本裏，响現實世界並唔存在。至於幾時作出干預？干預程度如何？干預手法又如何？便必須深思熟慮，以免過猶不及。
1971年美元唔再同黃金掛鈎後，形成聯儲局隨時可增加貨幣供應，令整個自由市場出現扭曲。例如2001至03年6月喺聯儲局大量供應貨幣下，甚至可將回落中嘅GDP扭轉方向，阻止美國經濟進入「通縮流動資金陷阱」（deflation liquidity trap），並出現2003年起至今嘅經濟繁榮。上述治療法包括向金融制度大量注入資金、大量購入期貨去刺激價格上升，以及一再將利率壓低等去阻止美國經濟受科網股泡沫爆破後遺症嘅影響而步日本經濟後塵！整個計劃由高盛證券前主席魯賓出任美國財長所策劃，並成功阻止美國經濟喺2000年代步入日本1990 年式衰退。
反觀日本第二次世界大戰後努力重建生產力，而成為出口導向型經濟，出口所賺取利潤令日本人生活不斷改善。日本唔係一個接受移民嘅國家，當大部分日本人生活水平達到中產階級後，消費便停止增長。雖然出口業務繼續為日本帶來可觀收入，但日本人只用作海外投資，而非進一步增加消費，結果1990年起日本經濟便陷入通縮流動資金陷阱（即樓價下跌、股價下跌，產生信貸收縮壓力，影響經濟表現）。雖然政府一再增加開支去對抗，情況亦只能時好時壞。
由於估計明年3月31日前日本銀行都唔敢宣布第二次加息，令近期日圓滙價積弱。日本銀行將喺10月13日及10月31日開會，估計利率不變！咁意味住2001年起日本亦步美國後塵，利用貨幣改策大力干預市場。
我地必須承認，由政府獲得濫發貨幣權開始（1971年），自由市場根本上已名存實亡。2001年美國聯儲局如不及時干預，美國經濟早已陷入類似1990 年代嘅日本衰退模式，人人受害。中國政府為咗發展和諧社會，自然必須保障工人就業，結果人民幣只能有限度升值。為加快中國經濟由出口導向轉為內部消費導向，政府正大幅提升工人最低工資。反觀特區政府不但干預能力有限，干預程度亦好有限。
經過三十多年貨幣濫發後，世界已經冇真正嘅自由市場，因為價格對供求嘅影響早已缺乏伸縮性。為阻止通縮流動資金陷阱出現，干預反而成為一項需要。例如 1998年格蛇增加貨幣供應去阻止長期資本管理倒閉引發骨牌效應；2001至03年6月亦減息去對付2000年科網股泡沫爆破。今天商品價格大上大落，而炒期貨孖展又少於10％（即升降10％已可令孖展本金消失）；加上2001年美國政府刺激資產升值去對抗科網股泡沫爆破，面對今年8月美國樓價首次回落，未來唔干預才怪！
美政府或是油價回落幕後黑手
有人懷疑7月14日油價回落美國政府其實係幕後黑手，絕對唔奇怪，因為美國政府正準備另一次經濟軟着陸，令CPI增長率重返2％或以下。
點解歐羅區經濟好唔起來？主要係德、法等國家响九十年代為解決失業問題，將每周工作五十小時改為每周工作三十五小時，理論上工作時間短咗，公司自然聘請更多員工工作，結果卻相反。外資公司計算過後，決定唔投資德國同法國，而德國同法國公司亦跑咗去外國投資，德國同法國精英亦離開本土，跑去倫敦或美國甚至香港搵嘢做。
德國同法國勞工法例不但每周工作三十五小時、一年六星期大假、三年有薪病假（若員工有病，公司要照顧三年，繼續出糧畀員工），並有「就業警察」確保晚上六時後冇人工作（除獲政府特別批准嘅行業外）；至於裁員接近唔可能，因此公司唔敢招聘新人，只有請臨時工。去年我老曹去過法國幾天，認真領教過法國大餐嘅滋味，例如麵包係凍嘅，湯非常濃，相信一早已經煲好，侍應服務態度奇差。初時我老曹以為自己係中國人嘅關係，但見隔鄰D美國人所獲服務態度一樣，相信同種族無關。理由應該係員工唔怕炒魷魚，情況自然如此！
今年德國新總理上台後，上述情況未知能否改變，但相信阻力好大。上述情況或者係德國物業仍然咁便宜嘅理由。
歐美集團（8203）、卓健亞洲（593）、中民燃氣（681）、聯合集團（373）、聯合地產（056）、漢國置業（160）、建業實業（216）、天鷹電腦（1129）、新鴻基公司（086）、旭日環球（353）、玖源集團（8042）停牌。
瑞安房地產（272）、利記（637）新上市。
■毅興行（1047）10月16日公布業績。 ¶ 2:02 AM
